तेजोमय दश-दिशा अन् प्रफुल्लित मनं
मंगल दिनी या शिवप्रभुंचे स्मरण
प्रदिप्त समशेर अन् विक्राळ दैत्यांचे खंडण
अश्वमेध तो स्वराज्याचा अजिंक्य
इतिहासाचे सोनेरी पान वीररसाने तप्त
अंगणी सजतो लघु दुर्ग तो मनमोहक
तट, बुरुज स्मरतो प्रौढ प्रताप पुरंदर
कृपाच अशी आमुच्या दिव्य राजाची अपार
आनंदाचे हे अथांग ऋण वदतो आम्ही पामर
अभिमानी आम्ही या थोर राज्याचे बालक
त्या तेजोदिप्त निष्णात तलवारीचे ऋणी अन् शिवबाचे साधक
