दडपून टाकलेले काही आवाज
आज मनात आवाज उठवत होते
आत काहीतरी तुटत होतं
साद घालून थकत होतं ...
इतके दिवस दाबून ठेवलेल्या वेदना
भटकं मन विसकटत होतं ...
एरवी ओरड़त राहणारं मन
आज मौनाची भाषा करत होतं
आठवणींचे धागे-दोरे जमवून
मखमली स्वप्नांच्या शाली विणत होतं
तुटलेल्या धाग्यान्ना कवटाळत होतं
आणखीनच कातर होत होतं
मी त्याला उगी उगी केलं
पण आज सगळचं न्यारं होतं .....
कारण,
दडपून टाकलेले काही आवाज.......
आज मनात आवाज उठवत होते...........
